ஆற்றில் இருந்து -2

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

குண்டலம் தாழ, குழல் தாழ, நாண் தாழ ,

எண் திசையோரும் இறைஞ்சித் தொழுது ஏத்த

வண்டு அமர் பூங்குழலார் துகில் கைக்கொண்டு,

விண் தோய் மரத்தானால், இன்று முற்றும் ;

வேண்டவும் தாரானால் , இன்று முற்றும்.

ஆற்றில் இருந்து -3

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

தடம் படு தாமரைப் பொய்கை கலக்கி

விடம் படு நாகத்தை வால் பற்றி ஈர்த்து,

படம் படு பைந்தலை மேல் எழப் பாய்ந்திட்டு

உடம்பை அசைத்தானால், இன்று முற்றும்;

உச்சியில் நின்றானால் , இன்று முற்றும்.

ஆற்றில் இருந்து -4

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

தேனுகன் ஆவி செகுத்துப் பனங்கனி

தான் எறிந்திட்ட தடம் பெருந்தோளினால்

வானவர் கோன் விட வந்த மழை தடுத்து,

ஆனிரை காத்தானால், இன்று முற்றும்;

அவை உய்யக் கொண்டானால், இன்று முற்றும்.

ஆற்றில் இருந்து -5

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

ஆய்ச்சியர் சேரி அளை தயிர் பால் உண்டு,

பேர்த்து அவர் கண்டு பிடிக்கப் பிடியுண்டு,

வேய்த் தடந்தோளினார் வெண்ணெய் கொள் மாட்டாது அங்கு

ஆப்புண்டு இருந்தானால், இன்று முற்றும் ;

அடியுண்டு அழுதானால் , இன்று முற்றும்.

ஆற்றில் இருந்து -6

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

தள்ளித் தளர் நடை யிட்டு இளம் பிள்ளையாய்,

உள்ளத்தின் உள்ளே அவளை உற நோக்கிக்

கள்ளத்தினால் வந்த பேய்ச்சி முலை உயிர்

துள்ளச் சுவைத்தானால் , இன்று முற்றும்

துவக்கு அற உண்டானால், இன்று முற்றும்

ஆற்றில் இருந்து -7

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

மாவலி வேள்வியில் மாண் உருவாய்ச் சென்று

மூவடி தா என்று இரந்த இம் மண்ணினை

ஓரடி இட்டு , இரண்டாம் அடிதன்னிலே

தாவடி இட்டானால், இன்று முற்றும் ;

தரணி அளந்தானால் , இன்று முற்றும்.

ஆற்றில் இருந்து -8

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

தாழை தண் ஆம்பல் தடம் பெரும் பொய்கைவாய்

வாழும் முதலை வலைப்பட்டு வாதிப்பு உண்

வேழம் துயர் கெட, விண்ணோர் பெருமானாய்,

ஆழி பணி கொண்டானால்; இன்று முற்றும்;

அதற்கு அருள் செய்தானால், இன்று முற்றும்.

ஆற்றில் இருந்து -9

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

வானத்து எழுந்த முகில் போல் எங்கும்

கானத்து மேய்ந்து களித்து விளையாடி ,

ஏனத்து உருவாய் இடந்த இம் மண்ணினைத்

தானத்தே வைத்தானால், இன்று முற்றும்;

தரணி இடந்தானால், இன்று முற்றும்.

ஆற்றில் இருந்து -10

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

அங் கமலக் கண்ணன் தன்னை அசோதைக்கு

மங்கை நல்லார்கள் தாம் வந்து முறைப்பட்ட

அங்கு அவர் சொல்லைப் புதுவைக் கோன் பட்டன் சொல்

இங்கு இவை வல்லவர்க்கு ஏதம் ஒன்று இல்லையே

தன்நேர் ஆயிரம் -1

அருளியவர்: பெரியாழ்வார்
திவ்ய தேசம்: பொது

பாசுர எண்: 0
பெரியாழ்வார் திருமொழி

தன்நேர் ஆயிரம் பிள்ளைகளோடு

தளர்நடை இட்டு வருவான்

பொன்ஏய்நெய்யோடு பால்அமுது உண்டுஒரு

புள்ளுவன் பொய்யே தவழும் ;

மின்நேர் நுண்ணிடை வஞ்சமகள் கொங்கை

துஞ்ச வாய் வைத்த பிரானே !

அன்னே ! உன்னை அறிந்து கொண்டேன், உனக்கு
அஞ்சுவன் அம்மம் தரவே

Get in touch

தொடர்பு கொள்ள

STD PATHASALA TRUST,
170, SANNIDHI STREET,
SADAGOPAN NAGAR,
JALLADAMPET,
CHENNAI - 600100

திவ்ய பிரபந்த பாடசாலையைத் தொடர்பு கொள்ள வேண்டிய முகவரி:
ஸ்ரீ சடகோபன் திருநாராயண ஸ்வாமி திவ்ய பிரபந்த பாடசாலை,
1/170, சந்நிதி தெரு, சடகோபன் நகர்,
ஜல்லடம்பேட்டை,
சென்னை – 600 100

Email: pathasala.services@gmail.com
Ph: +91 44 22462436, 22460008
Mobile: +91 99529 60527, +91 9940672520

கோயிலுக்கு வரும் வழி:
பள்ளிக்கரணை வரும் பேருந்துகளை அறிய இங்கே பார்க்கவும்.
பேருந்தில் வருவோர் இறங்க வேண்டிய நிறுத்தம் – “பள்ளிக்கரணை ஆயில் மில்” (Pallikaranai Oil Mill).
“பள்ளிக்கரணை ஆயில் மில்” பேருந்து நிலையத்தில் இருந்து பாடசாலைக்கு வரும் வழி கீழே உள்ளது.
“பள்ளிக்கரணை ஆயில் மில்” நிறுத்தத்தை அடைய விரிவான வழி விளக்கத்திற்கு கூகுள் வரைப்படம் இங்கே.